Mario Balotelli ka nënshkruar një kontratë me Genoa deri në fund të qershorit 2025, me një pagë prej rreth 400,000 euro, duke përfshirë bonuset. Ish-sulmuesi i Italisë kaloi vizitat mjekësore të hënën në mëngjes, ndërsa klubi e konfirmoi zyrtarisht nënshkrimin e tij në rrjetet sociale duke përdorur pseudonimin e tij “Super Mario.”
Balotelli, ish-lojtar i Interit, Man City-t, Liverpool-it dhe Milan-it, ka qenë lojtar i lirë që nga përfundimi i kontratës me Adana Demirspor në Turqi këtë verë. Ndeshja e tij e fundit në Turqi përfundoi me një karton të kuq në minutën e 39-të, ndërsa mbante shiritin e kapitenit.
Ai refuzoi oferta të larta financiare nga jashtë për të pritur një ofertë nga Serie A. Genoa është klubi i tij i parë në Serie A pas Brescia-s në sezonin 2019-20, ku shënoi pesë gola në 19 paraqitje.
