Nen themeluesen e Fondit për të Drejtën Humanitare, Natasha Kandiq, ka ngritur thirrjen për zbardhjen e vendndodhjes së varreve të Rukije dhe Feriz Krasniqit, të vrarë më 27 mars 1999 në fshatin Sushicë të Shtërpcës. Në një postim në profilin e saj në rrjetin social X, Kandiq ka kërkuar përgjigje nga shefi i ushtrisë serbe, gjenerali Milan Mojsiloviq, dhe ministri i Mbrojtjes, Millosh Vuçeviq.
“Le të kërkojmë nga autoritetet serbe të zbulojnë vendndodhjen e trupave të Rukijes dhe Feriz Krasniqit, të cilët u vranë nga pjesëtarët e Ushtrisë Jugosllave më 27 mars 1999 në fshatin Sushicë të Kosovës”, ka shkruar ajo.
